Dünyanın ən böyük kruiz layneri "Icon of the Seas"də 2800-dən çox kajuta yerləşir. Çoxsaylı sərnişinlərə xidmət etmək üçün xeyli tualet quraşdırılıb. Buna görə də məntiqi sual yaranır: Gəmidə tualet tullantıları hara gedir?

HİT.az xəbər verir ki, onları "qara su" adlandırırlar. Bəzi insanların narahatlığına baxmayaraq, adətən nəcis sadəcə okeana tökülmür. Müasir gəmilərdə insan tullantılarını zərərsizləşdirmək üçün müasir texnologiyalardan istifadə olunur. 

Gəmilərdə suyun təmizləndiyi və tökülməyə hazırlandığı xüsusi bölmələr var. Bu, kruiz laynerindəki kanalizasiyadır - tualetdən tullantılar ora daxil olur. Sonra çoxmərhələli filtrləmə, parçalanma və sterilizasiya prosesi baş verir. Proses ultrabənövşəyi şüalarla müalicə və daha "bərk" hissəciklərin yandırılması ilə başa çatır. Sonra təmizlənmiş maye okeana tökülür.

Qeyd etmək lazımdır ki, 50 il əvvəl Gəmilərdən Çirklənmənin Qarşısının Alınması üzrə Beynəlxalq Konvensiya qəbul edilib. Zərurət yarandıqra, ona neft tankerləri, həmçinin kruiz gəmilərinin tualet və kanalizasiyası ilə bağlı müxtəlif düzəlişlər edilib.

Beynəlxalq Dənizçilik Təşkilatına (MSC) görə, gəmidə təsdiq edilmiş təmizləmə sistemi olmadıqda və ya xüsusi müalicədən keçməyən kanalizasiya sularının tökülməsi qadağandır. Beləliklə, laynerlərdən çıxan tullantılar, suya tökülməzdən əvvəl quruda olduğu kimi emal olunur.

Eyni zamanda nəzərə alınan başqa nüanslar da var. Belə ki, tullantıları 3-dən 12 dəniz milinə qədər məsafədə tökmək olar. Sonuncu, hərtərəfli təmizlənmədən keçməyən kanalizasiya sularına aiddir. Məsələn, duş suları adətən belə bir yanaşma tələb etmir. Dərhal ağla gəlməyən başqa tullantılar da var.

Samir