Bəzi doğum ayları sanki insanlara xüsusi mənəvi dərinlik bəxş edir. Bu aylarda dünyaya gələnlər intuisiyası güclü, ruhən yetkin və daxili qüvvəyə sahib olurlar. Onların müdrikliyi məntiqi düşüncənin sərhədlərini aşır – baxışlarında, sözlərində və davranışlarında hiss olunur. Belə insanlara tez-tez “qoca ruhlar” deyilir, çünki elə təsəvvür yaranır ki, onlar artıq bir dəfə həyat dərslərini keçiblər və indi topladıqları bilikləri bölüşürlər. 

Hit.az xəbər verir ki, bu barədə “Parade” jurnalı yazır.

Mart - Bu ayda doğulanlar zərif ruh halına və başqalarının hisslərini təbii şəkildə anlama qabiliyyətinə malikdirlər. Onların arasında xəyallara dalan Balıqlar və intuisiyası güclü Qoçlar var. Hisslərini sözlərlə ifadə etməkdə çətinlik çəksələr də, onların varlığı ətrafdakılara rahatlıq və şəfa bəxş edir. Bu insanların enerjisi bizə xatırladır: güc – anlayış və mərhəmətdədir.

İyul - Bu ayda doğulanlar gizlini hiss etmə qabiliyyəti ilə seçilirlər. Dərin Dəniz xərçəngləri və işıqlı Şirlər bu aydakı enerjinin intuisiya və istilik balansını yaradır. Onlar anlayırlar ki, hər şeyi izah etmək mümkün deyil – bəzən sadəcə hiss etmək kifayətdir. Bu insanlar emosional axınları sezə bilir, başqalarının əhvalındakı xırda dəyişiklikləri hiss edir və hadisələrin istiqamətini əvvəlcədən duya bilirlər. Onların müdrikliyi sakitlikdə və harmoniya yaratmaq bacarığındadır.

Noyabr Bu ayda doğulan insanlar daxili gücləri və həqiqət axtarışları ilə tanınırlar. Onların arasında dərin düşüncəli Əqrəblər və fəlsəfi Oxatanlar çoxdur. Bu insanlar səthiliyi qəbul etmir, hər şeyi qat-qat araşdırır, həyatın qaranlıq tərəflərinə baxmaqdan qorxmurlar. Onların dəyişdirici enerjisi təkcə özlərini deyil, ətrafdakılara da təsir edir. Noyabrın müdrikliyi sınaqlar zamanı parlayır – başqalarının ruhdan düşdüyü anda onlar yenidən doğulmağa güc tapırlar.

Dekabr - Bu ayda doğumlular tamamlanma və düşüncə enerjisi daşıyırlar. Onlar uzaqgörən, fəlsəfi və məqsədyönlü olurlar. Bu ayın sakinləri arasında idealist Oxatanlar və səbirli Oğlaqlar var. Onlar anlıq məqsədlər üçün deyil, uzunmüddətli və mənalı dəyərlər yaratmaq üçün yaşayırlar. Dekabr insanları liderlik, dürüstlük və əxlaqi prinsiplərlə fərqlənirlər. Onların müdrikliyi strateji düşüncə və mənəvi dayanıqlıqda özünü göstərir.

Qeyd: Astrologiya, tarologiya, numerologiya, xiromentiya və ekstrasensorika elmi sahələr hesab edilmir. Onlar qədim inanclara və simvolik təfsirlərə əsaslanır, lakin elmi dəlillərlə təsdiqlənməyib. Bu səbəbdən bu cür materiallar əyləncəli xarakter daşıyır və qərar qəbul etmək üçün etibarlı vasitə kimi istifadə olunmamalıdır. Psixologiya və ya sağlamlıqla bağlı məsələlərdə mütləq mütəxəssislərə müraciət edilməlidir.

Samir