Müasir paltaryuyan maşınlar və yuyucu vasitələr əksər əşyaları soyuq suda effektiv yumağa imkan versə də, bəzi hallarda isti su zəruridir. 

HİT.az-ı məlumatına görə, "Procter & Gamble" şirkətinin tekstil baxımı üzrə ekspertı Kim Romin izah edir ki, bəzi hallarda isti suda yuma həm daha effektiv, həm də sağlamlıq üçün daha təhlükəsizdir.

"Əgər etiketdə isti suda yumaq mümkün olduğu göstərilibsə, mütləq elə edin, xüsusilə əşya çox çirkli və ya dezinfeksiya tələb edirsə”, deyə Romin tövsiyə edir.

Ekspert bildirir ki, yüksək temperatur bakteriyaları, virusları və digər zərərli mikroorqanizmləri məhv etməyə kömək edir, həmçinin yağ, mum və ləkələri daha yaxşı təmizləyir.

İsti suda yalnız belə 8 əşya yuyulmalıdır:

Mətbəx önlükləri, dəsmallar və əlcək-ovçular - Bu əşyalar tez-tez çiy ət və ya yuyulmamış məhsullarla təmasda olur və bakteriya mənbəyi ola bilər. Hər istifadə sonrası isti suda yuyulmalıdır.

Yağlı, mumlu və ya yağ ləkəli paltarlar - İsti su yağı və mumu yumşaldır, bu da ləkə çıxarıcı vasitələrin daha effektiv işləməsinə imkan verir.

Xəstə tərəfindən istifadə edilmiş əşyalar - Yataq dəstləri, dəsmallar və geyimlər yüksək temperaturda və ya dezinfeksiyaedici vasitə ilə yuyulmalıdır.

Yoluxucu infeksiyaya məruz qalmış tekstil əşyalar - Evdə başqalarında bit, göz iltihabı, göbələk və digər infeksiyalar varsa, xəstə ilə təmasda olmuş hər şey isti suda yuyulmalıdır.

Çox çirkli əşyalar - Görünən çirklər və pis qoxu olan hər şey yüksək temperaturda yuyulmalıdır ki, dərindən təmizlənsin.

Kimyəvi maddələrlə təmasda olmuş iş geyimləri - Əgər geyim pestisidlər, civə və ya digər təhlükəli maddələrlə çirklənibsə, yalnız isti suda və ayrıca yuyulmalıdır.

Parça bezlər və uşaqların paltarları - İsti su həm effektiv təmizləyir, həm də həssas uşaq dərisini qıcıqlandıran allergenləri aradan qaldırır.

Ev heyvanları üçün yataqlar, dəsmallar və oyuncaqlar - Yüksək temperatur tükləri, bakteriyaları və yığılan qoxuları aradan qaldırmağa kömək edir.

Romin vurğulayır ki, yumağa başlamazdan əvvəl həmişə etiketi yoxlamaq lazımdır. Əgər parça yüksək temperaturu dözmürsə, dezinfeksiya rejimi və ya dərin təmizləmə üçün xüsusi vasitə seçmək daha məqsədəuyğundur.

“İsti su hər şey üçün deyil, amma xəstəlik, yağ və bakteriyalarla bağlı hallarda həqiqətən vacibdir”, deyə ekspert yekunlaşdırır.

Samir