Kivi sevilməməsi çətin olan meyvələrdən biridir: təzə, ətirli, yüngül turşulu və çoxlu vitaminlərlə zəngindir. Sadə görünüşünün arxasında bütün orqanizmin sağlamlığını dəstəkləyəcək əsl qida mənbəyi gizlənir.
HİT.az-ın məlumatına görə, tədqiqatlar göstərir ki, kivi həzm sistemi, ürək-damar və immun sistem üçün faydalıdır. Həmçinin kivi tərkibindəki lif sayəsində qan şəkərinin səviyyəsini yaxşılaşdıra bilər. BU barədə "VeryWell Health" yazıb.
Bu meyvə yalnız dadlı qəlyanaltı deyil, həm də təbii “multivitamin”dir: C vitamini, antioksidantlar və lif bir aradadır.
Lif - Kivinin istehlakı qan şəkərinin müvəqqəti yüksəlməsinə səbəb ola bilər, amma bu pis deyil. “Meyvə və ya karbohidrat tərkibli digər qidalar qəbul edildikdə qan şəkərinin yüksəlməsi normal və lazımlıdır”, deyə diyetoloq Alisa Ramsi izah edir.
Qan şəkərinin yüksəlməsi insulin ifrazını tetikleyir, bu da qlükozanın enerji üçün istifadə edilməsinə kömək edir. Kivinin tərkibindəki lif isə qan şəkərinin ani sıçrayışını yumşaldır. Daha çox lif üçün kivini qabığı ilə yemək tövsiyə olunur.
Aşağı qlikemik indeks - Kivinin tərkibindəki həll olunan lif həzm prosesini yavaşladır və şəkərin qan dövranına daxil olma sürətini tənzimləyir (Charlize Del Rosario, USC Verdugo Hills Hospital).
“Kivi aşağı qlikemik indeksli məhsul hesab olunur, bu da onun qan şəkərini digər qidalarla müqayisədə daha yavaş və stabilliklə artırdığı deməkdir”, deyə Alisa Ramsi əlavə edib.
Amma kivi özü birbaşa qan şəkərini aşağı salmır. Liflə zəngin qidalanma sağlamlıq göstəricilərini yaxşılaşdırır və xəstəlik riskini azaldır (Abby Langer, Toronto).
Antioksidantlar Kivi həmçinin C vitamini də daxil olmaqla antioksidantlar ehtiva edir, bunlar qan şəkərinin tənzimlənməsinə müsbət təsir göstərə bilər, amma bunun təsdiqi üçün əlavə araşdırmalar tələb olunur.
Kivi protein və yağlarla birgə yeyildikdə yemək sonrası qan şəkərinin sabitləşməsinə kömək edir. Məsələn, Ramsi deyir ki, kivi yunan qatığı və qoz yağı ilə birlikdə yeyildikdə şəkər sıçrayışını yumşalda bilər.
Hər hansı bir məhsulun həddindən artıq istifadəsi məsləhət deyil. Çox kivi həzm problemlərinə, şişkinlik, ishal və qusmaya səbəb ola bilər.
Samir
