Müasir dövrdə “çox işləmək” artıq zəhmətkeşliyin deyil, sistemsizliyin göstəricisi sayılır. “New York Times” bestseller müəllifi Ramit Sethi hesab edir ki, daha çox qazanc əldə etməyin yolu daha çox işləməkdən deyil, ağıllı plan və fokuslu strategiyadan keçir.
Valyuta.az xəbər verir ki, o, az işləyib çox qazanmaq üçün 7 real üsul təqdim edib.
Sethinin fikrincə, uğur qazanmaq üçün əsas məqsəd saatları deyil, nəticəni ölçmək, sistemi qurmaq və maliyyəni avtomatikləşdirməkdir.
1. Səyləri öncədən yüklə (Front-load)
Sethi gənclik enerjisini gələcək rahatlıq üçün investisiya etməyi tövsiyə edir: “İlk illərdə daha çox çalış, təcrübə topla, sonra bu sənin az işləyib çox qazanmağın bazasına çevriləcək”.
2. Çoxsaylı gəlir mənbələri qur
Tək bir maaşdan asılı qalmaq təhlükəlidir. Müəllif sahə kənarı gəlirlər, passiv gəlir və investisiyalar sayəsində insanın maliyyə azadlığını artırmağın mümkün olduğunu vurğulayır.
3. Maliyyəni avtomatlaşdır
Sethinin fikrincə, “pul sənin üçün işləməlidir”. Bunun üçün yığım və investisiya ödənişlərini avtomatikləşdirmək, bütün maliyyə axınlarını cədvəl üzrə planlaşdırmaq lazımdır.
4. 80/20 qaydasını tətbiq et
Pareto prinsipi nəticələrin 80%-i səylərin 20%-indən yaranır. Ona görə də lazımsız 80%-i (iclaslar, e-poçtlar, xırda işlər) kənarlaşdırmaq və yüksək təsirli 20%-ə fokuslanmaq lazımdır.
5. Daha ucuz məkanda yaşa və işlə
Sethi deyir ki, həyat xərclərini azaltmaq – daha az işləyib daha çox toplamağın gizli yoludur. Məsələn, uzaqdan işləməklə daha ucuz ölkədə yaşayıb həm investisiya edə, həm də vaxt azadlığı qazana bilərsən.
6. İnsan motivasiyalarını anla
Karyera pilləsində yüksəlmək üçün sistemləri deyil, insanların maraqlarını anlamaq vacibdir. “Başqalarının nəyə görə hərəkət etdiyini bilmək, sənin daha az səy göstərərək daha çox nəticə əldə etməyinə kömək edir”, - deyə o vurğulayır.
7. Çevik iş modelinə keç
Əgər iş mühiti yalnız “ofisdə oturmaqla” ölçülürsə, bu, məhsuldarlığı öldürür. Sethi “nəticə əsaslı iş mühiti (ROWE)” modelini tövsiyə edir burada saat yox, nəticə vacibdir.
