Həqiqi sevgi gündəlik və sadə hərəkətlərdə gizlənir – yanında olmaq, dinləmək, gülmək və sevdiyinin əlini tutmaq kimi.

Hit.az xəbər verir ki, "Psychological Reports" jurnalında dərc olunmuş araşdırmaya görə, sağlam və xoşbəxt münasibətə malik cütlüklər daha uzun ömür sürür, özlərini xoşbəxt hiss edir və ümumi sağlamlıqları daha yaxşı olur. 

"Your Tango" nəşri yazır ki, illərlə evli olub hələ də həyat yoldaşını sevən kişilər bu 11 vərdişi qoruyurlar:

1.Səbəbsiz toxunmaq

"Scientific Reports" araşdırması sübut edib ki, fiziki təmas münasibətlərdə yaxınlıq və məmnuniyyəti artırır. Bu, yalnız yatmazdan əvvəl qucaqlaşmaq deyil, həm də maşında əl tutmaq və ya işə getməzdən öncə bir anlıq sarılmaq deməkdir.

2.Gün ərzində yazışmaq

Səmimi “Necəsən?” mesajı və ya axşam söhbəti – belə kişilər əlaqəni daima qoruyur, yalnız vacib anlarda deyil.

3.Daim kompliment etmək

Psixoloqlar bildirir ki, xoşbəxt cütlüklərdə hər bir mənfi qarşılıqlı münasibətə qarşı beş müsbət münasibət müşahidə olunur. Səmimi komplimentlər və təşəkkürlər münasibətlərdə etimad və istilik yaradır.

4.Qadın danışarkən telefonu kənara qoymaq

"Scientific Reports" məlumatına görə, yaxınlıq zamanı telefona baxmaq belə söhbətin keyfiyyətini azaldır. Sevgisinə dəyər verən kişi cihazı kənara qoyur və tam diqqətini partnyoruna yönəldir.

5.Xırda detalları xatırlamaq

Sevdiyinin sevdiyi qəhvəni, sifarişini və ya desertini unutmamaq. Belə kişilər gündəlik günlərdə belə düşünülmüş hədiyyələrlə sevindirməyi bacarır.

6.Birlikdə gülmək

Tədqiqatlara görə, ortaq gülüş sağlam münasibətlərin əsas göstəricisidir. Zarafatla gərginliyi azalda bilən cütlüklər bir-birinə daha yaxın olurlar.

7.Gələcəyi birlikdə planlaşdırmaq

"Journal of Marriage and Family" qeyd edir ki, xoşbəxt cütlüklər çətin mövzulardan qaçmır. Onlar gələcək planları, qorxuları və dəyişiklikləri açıq müzakirə edirlər.

8.Onun fikrini soruşmaq

Belə kişilər münasibətlərdə kifayət qədər güvən sahibidirlər və ehtiyac duyduqda məsləhət istəməkdən çəkinmirlər. Terapevt Çarli Hantinqton deyir ki, bir çox kişi üçün həyat yoldaşı əsas emosional tərəfdaşdır.

9.Mübahisə zamanı hörməti qorumaq

Həqiqi partnyorlar qalib gəlməyə çalışmır. Onlar mübahisəni birlikdə həll etməli olduqları bir məsələ kimi görürlər.

10.Sevgisini şüurlu şəkildə ifadə etmək

“Səni sevirəm” sözlərini avtomatik deyil, hiss edərək demək. Belə kişilər üçün sevgi – sözlərdən çox, ardıcıl qayğı və diqqətdir.

11.Sevdiyini təəccübləndirməyə çalışmaq

Sevən kişi partnyorunu heyrətləndirmək üçün dayanmır – bəzən kiçik sürprizlərlə, bəzən isə yeni öyrəndiyi bacarıqlarla.

Samir