Qara dənizin sahilində Koreya levrexi qeydə alınır - çoxalması Qara dənizin yerli növləri üçün təhlükə yarada bilən bir yırtıcıdır. 

HİT.az xəbər verir ki, bunu UNİAN-a Ukrayna Milli Elmlər Akademiyasının Dəniz Biologiyası İnstitutunun aparıcı elmi işçisi, biologiya elmləri doktoru Yuri Kvaç deyib.

Koreya levrexi haqqında nə məlumdur?

"Bu kifayət qədə iri ölçülü bir sənaye növüdür və Uzaq Şərqdəndir. Şərti olaraq Koreya adlandırılır, prinsipcə, bu Koreya, Yaponiya, Çin – bu hissə, Yapon dənizi... Bu yırtıcı bir balıqdır və bu, bizim ekosistemimiz üçün təhlükədir. Çünki yerli balıqları yeyib məskunlaşma qruplarının quruluşunu dəyişəcək. Yəni, bioloji müxtəlifliyə mənfi təsir ola bilər. Xüsusilə, bu, xallı xəngər kimi yerli növlər üçün təhlükə yaradır", deyə Kvaç bildirib.
.
Onun fikrincə, nəzərə almaq lazımdır ki, Qara dəniz Koreya levrexi üçün çox uyğun deyil, çünki o, yırtıcının vərdiş etdiyi su hövzələri qədər duzlu deyil. Buna görə də, onun kütləvi şəkildə çoxalmayacağına və müvafiq olaraq, Qara dənizin sakinlərinə böyük zərər vurmamasına ümid var. Lakin, ekspert əlavə etdi ki, hətta bu balıq çox çoxalsa belə, nəzərə almaq lazımdır ki, balıqçılar tərəfindən tələbatı olan bir sənaye növündən danışılır:

"Mənə balıqçılar hətta kiçik bir levrek tutduqda videosunu da göndərdilər – uzunluğu 30 sm-ə qədər idi, amma onu çoxalması və böyüməsi üçün buraxdılar. Balıqçılar üçün bu sərfəlidir, çünki balıq iri və dadlıdır".

Kvaçın məlumatına görə, adətən Koreya levrekinin uzunluğu 65 sm-ə, çəkisi isə 3 kq-a qədər çatır, ömür müddəti isə 20 ilə qədərdir. Alimin sözlərinə görə, hələlik Koreya levrekinin məhz invaziv növ olduğunu demək olmaz, çünki yırtıcının yerli növlərə zərər verdiyi dəqiq sübuta yetirilməyib. Eyni zamanda tədqiqatçı qeyd edir: bu, yad növdür və çox güman ki, məhv edilməlidir.

Vəziyyət nə qədər ciddidir?

Kvaç ümid edir ki, əgər Koreya levreki hələ də güclü çoxalarsa (balıq invaziya kimi tanınarsa), Ukraynada nəzarət vasitələrindən biri rolunu oynayacaq sənaye ovu təşkil olunacaq. Əks halda, əgər invaziya təsdiq olunmasa, Uzaq Şərfdən gələn "yadplanetli" nadir bir balıq hesab olunacaq və vaxtaşırı balıqçı qarmağına düşəcək.

"Lakin mən hələ ki, müşahidə edirəm ki, hər ay onların sayı getdikcə daha çox artır. Hələlik ekosistem üçün tendensiya mənfidir, çünki bu növün sayı artır. Monitorinqi həyata keçiririk", deyə Ukrayna Milli Elmlər Akademiyasının Dəniz Biologiyası İnstitutunun aparıcı elmi işçisi bildirib.

Hazırda tədqiqatçı dəqiq deyə bilmir ki, sahil boyu, xüsusən də Odessa, Nikolayev və s. yaxınlığında nə qədər Koreya levreki var, çünki Ukraynada müharibə səbəbindən sənaye ovu və mülmi dənizçilik qadağan edilib. Yəni, deyə Kvaç izah etdi, alimlər dənizə çıxıb və öz gözləri ilə sahilədən müəyyən məsafədə bu balıqdan nə qədər olduğunu görə bilmirlər. Buna görə də hazırda əsasən "qarmaqla tutulan ov" üzrə monitorinq aparılır.

Kvaçın izahına görə, Odessa sahilləri yaxınlığında Koreya levreki ilk dəfə olaraq təxminən iki il əvvəl qeydə alınıb. Daha əvvəl bu Yapon dənizi sakinini Bolqarıstanda, Türkiyədə, Qırımda isə təxminən 2013-cü ildə qeyd etmişdilər.

Samir