Yaşıl çay – güclü superməhsuldur: ürək-damar sistemini möhkəmləndirə, metabolizmi sürətləndirə, koqnitiv funksiyaları yaxşılaşdıra və qan şəkərini azalda bilər. Lakin bütün bu faydalarına baxmayaraq, bəziləri onu acı dadına görə sevmir.

HİT.az xəbər verir ki, bu barədə "Tasting Table" yazıb.

Nəşr internetdə çay satışı ilə məşğul olan Bala Sardanın fikirlərini öyrənib. O, yaşıl çayın acılığını azaltmaq üçün tövsiyələr verib.

Onun sözlərinə görə, suyun temperaturu – ən vacib amildir. Acılığı azaltmaq istəyirsinizsə, dəmləmə zamanı suyun ideal temperaturu 70–80 °C olmalıdır.

“Yaşıl çayı optimal su temperaturunda dəmləmək onun sağlamlığa faydalı xüsusiyyətlərini açar, acılığını artırmadan”, deyə məqalədə qeyd olunub.

Sarda izah edib ki, çox isti su yaşıl çay yarpaqlarını yandıraraq taninlərin çox ifraz olunmasına səbəb olur ki, bu da acılığı artırır. Acılığı azaltmaq üçün başqa üsullar da var. Sarda bildirir ki, çay yarpaqlarının miqdarı da önəmlidir. Onun verdiyi optimal nisbət belədir: 210 ml suya maksimum 2 qram yarpaq qoymaq lazımdır.

Yarpağın növü də ümumi dadı təsir edir. Onun sözlərinə görə, iri bütöv yarpaqlar, kiçik yarpaqlar və ya paket çaylarla müqayisədə, adətən daha az acı dad verir.

Nəticədə, çox acı yaşıl çaya bal və ya şəkər əlavə etmək də tövsiyə olunur: “Az miqdarda bal və ya şəkər acı dadı balanslaşdırmağa kömək edir”.

Əgər qan şəkərindən narahatsınızsa, onun yerinə aşağı qlikemik indeksə malik agave siropu istifadə edə bilərsiniz.

Samir