Həyat çətindir, buna şübhə yoxdur. Lakin insanlar başlarına gələn hadisələrə necə reaksiya vermək məsələsində müəyyən dərəcədə nəzarətə malikdirlər. Səhər həyata hansı münasibətlə başlamağımız, gün ərzində verdiyimiz qərarlar və riayət etdiyimiz vərdişlər həyatı yaxşıya doğru dəyişə bilər. 

HİT.az xəbər verir ki, bu barədə “Your Tango” yazır.

Məqalədə qeyd olunur ki, bu məqamlara lazımi diqqət yetirilmədikdə, onların mənfi nəticələri ola və bu da bədbəxt, narazı bir həyata gətirib çıxara bilər.

Əlavə olunur ki, bədbəxt insanlar adətən onları daha da stressli və bədbəxt edən müəyyən zərərli vərdişlərə malik olurlar.

Sağlamlıq üzrə kouç Den Qo bədbəxt insanlarda müşahidə etdiyi vərdişləri bölüşüb:

1. Qida dəyəri aşağı olan yüksək kalorili qidalarla qidalanırlar

Enerji çatışmazlığı, əhval-ruhiyyə dəyişkənliyi və əsəbilik keyfiyyətsiz qidalanmanın əlamətləri ola bilər. Lakin bunu dəyişmək hər zaman asan olmur.

Qeyd olunur ki, maliyyə çətinliyi yaşayan insanlar qida dəyərinə görə deyil, əlçatanlığına görə daha çox “yüksək kalorili” yeməklər seçirlər və bu, həm psixi, həm də fiziki sağlamlıqlarına mənfi təsir göstərir.

2. Gecələr kifayət qədər yatmırlar

Mütəxəssislər böyüklərə sutkada yeddi-doqquz saat yatmağı tövsiyə edirlər. Bu müddətdən az və ya çox yatmaq fiziki və psixi vəziyyətə ciddi təsir göstərə bilər.

Əsəbilik, depressiya və aşağı məhsuldarlıq həm bədbəxt həyat tərzinin, həm də yuxu çatışmazlığının nəticəsi kimi göstərilir.

3. Başqalarının dramlarına qarışırlar

Öz həyatları istədikləri qədər maraqlı və ya həyəcanlı olmadıqda, həqiqətən bədbəxt insanlar tez-tez başqalarının problemlərinə və dramlarına qərq olurlar. Bu, təkcə öz həyatlarından yayınmaq deyil, eyni zamanda özlərini vacib hiss etmək cəhdidir.

4. İdmanla məşğul olmurlar

Bunu dəfələrlə eşitmisiniz və bəlkə də artıq ciddi qəbul etmirsiniz. Lakin fiziki məşqlərin faydasını inkar etmək mümkün deyil və siz bunu hətta bir məşqdən sonra da hiss edə bilərsiniz.

Əhvalın yaxşılaşması, enerjinin artması və diqqət toplama qabiliyyətinin yüksəlməsi idmanın üstünlükləri sırasındadır.

5. Təbiətdə kifayət qədər vaxt keçirmirlər

Mavi işığın təsiri təkcə normal sirkadiyan ritmini pozmur, eyni zamanda depressiya və əsəbiliyə səbəb ola bilər. Xüsusilə masa arxasında və ya günəş işığı az olan ofisdə işləyənlər üçün bu risk daha böyükdür.

Qeyd olunur ki, hər gün təmiz havada cəmi bir neçə dəqiqə keçirmək belə əhval-ruhiyyəni əhəmiyyətli dərəcədə yaxşılaşdıra bilər.

6. Daim şikayət edirlər və ya özlərini qurban kimi aparırlar

Öz səhvlərini qəbul etməməklə siz təkcə münasibətlərinizi zədələmir, eyni zamanda “qurban rolunu” oynayaraq özünüzü bir çox sahədə uğursuzluğa kökləyirsiniz.

Məqalədə vurğulanır ki, daim şikayət edən və ya səhvlərinə görə başqalarını günahlandıran insanlar özünəinamdan, sosial şüurdan və dərin əlaqələrdən məhrum olurlar.

7. Hər insandan və hər vəziyyətdən ən pisini gözləyirlər

Bir çox insan problemlərlə üzləşdikdə vəziyyəti şişirtməyə meyllidir. Lakin bədbəxt insan bunu xarakter xüsusiyyətinə çevirdikdə, bu, təkcə onun psixi rifahına deyil, ətrafındakı insanlarda da narahatlıq yarada bilər.

Məqalədə qeyd olunur ki, bədbəxt insanlar optimist sayılmır və ən pis ssenarini ən real ehtimal kimi qəbul edirlər.

8. Minnətdarlıq hissi azdır və daim “daha çox” istəyirlər

Səmimi münasibətlər etibar, sevgi və dürüstlük üzərində qurulur. Lakin minnətdarlıq hissi olmayan insanlar münasibətlərdən tez-tez həyatdakı mövqelərini yaxşılaşdırmaq üçün vasitə kimi istifadə edirlər.

İstər dostluqlara laqeyd yanaşsınlar, istər ailəni adiləşdirsinlər, istərsə də yeni tanışlıqlar hesabına “sosial pillələri qalxsınlar”, bu insanlar sonda çox vaxt bədbəxt və tənha qalırlar.

9. Daim mübahisə yaradır və başqalarına nifrət edirlər

Əsəbilik və bədbəxtlik bir-biri ilə sıx bağlıdır. Bu mənfi emosiyaları yaşayan insanlar çox vaxt onları başqalarından çıxırlar. Diqqət çəkmək üçün həyatlarında özünəinamlı insanları hədəfə alırlar.

Lakin daha xoşbəxt və inamlı insanları alçaltmaq onları yüksəltmir. Buna görə də kouç diqqəti məhz özlərini daha xoşbəxt edə biləcək məqamlara yönəltməyi tövsiyə edir.

10. Hər şeyi tənqid edirlər

Bədbəxt insan üçün nə öz həyatı, nə də başqalarının həyatı kifayət qədər yaxşıdır. Onlar hamıdan və hər şeydən qeyri-real tələblər gözləyir və işlər istədikləri kimi getmədikdə narazılıqlarını açıq şəkildə ifadə edirlər.

Ətrafdakılar onların tənqidini qəti şəkildə qəbul etmədikdə isə, başqaları ilə düşmənçilik etməkdən zövq alırlar.

Samir