İlk baxışdan yaxşı, empatik və cazibədar görünən insanlar bu xüsusiyyətləri münasibətləri yaxşılaşdırmaq üçün deyil, əksinə, öz məqsədləri üçün istifadə edə bilər. 

HİT.az xəbər verir ki, bu, "Frontiers in Psychiatry", "Nursing Ethics" və digər elmi jurnallarda yayımlanan tədqiqatlarda göstərilir.

Mütəxəssislər bildirirlər ki, “emosional zəkanın qaranlıq tərəfi” bəzi insanlara ətrafdakılar üzərində ustalıqla manipulyasiya etməyə, öz komplekslərini, özünə inamsızlığını və nəzarət ehtiyacını gizlətməyə imkan verir.

Psixoloqlar saxta və ya ürəkləri səmimi olmayan insanları tanımaq üçün 11 əsas əlaməti qeyd edirlər:

Xüsusilə, saxta insanlar:

* Yalnız özlərinə fayda gözlədikdə yaxşılıq göstərirlər;
* Sözlərinə əməl etmirlər, dedikləri ilə etdikləri tez-tez üst-üstə düşmür;
* İnsanlara status və nüfuza görə fərqli davranırlar;
* Gizli tənqid, şayiə və neqativlik nümayiş etdirirlər;
* İctimaiyyətdə cazibədar, amma tək qalanda soyuq və sərtdirlər;
* Üzr istəyəndə səthi və səmimi deyillər;
* Tez-tez qurban rolunu oynayaraq məsuliyyətdən yayınırlar;
* Günah hissini manipulyasiya edirlər;
* Sadə şeyləri bilərəkdən çətinləşdirirlər;
* Hər münasibəti “xidmət mübadiləsi” kimi qəbul edirlər;
* Zorakılığı “mən sadəcə dürüstəm” kimi ifadələrlə ört-basdır edirlər.

Tədqiqatçılar vurğulayırlar ki, əsas siqnal – belə bir insanla yanaşı olduğunuzda öz hisslərinizdir. Əgər söhbətdən sonra tez-tez yorğunluq, günahkarlıq və ya narahatlıq hiss edirsinizsə, bu gizli manipulyasiyanın əlaməti ola bilər.

Psixoloqlar məsləhət görürlər ki, belə hallarda sərhədləri aydın müəyyənləşdirin və başqalarını “düzəltməyə” çalışmaq əvəzinə öz emosional vəziyyətinizi qorumağa fokuslanın.

Samir