Alimlər müəyyən ediblər ki, yuxu görmək yalnız insanlara xas deyil, həm də heyvanlara, xüsusilə aiçovullara, meymunlara və hətta səkkizayaqlılara da aiddir. 

Hit.az xəbər verir ki, bu barədə tədqiqatçı və evolyusiya biologiyası üzrə magistrant Bekki Huper "Discoverwildlife" jurnalında yazır.

Onun sözlərinə görə, elm artıq dəqiq bilir ki, yuxu bir neçə funksiyanı yerinə yetirir: bədənə sağalmaq imkanı vermək, yaddaşı gücləndirmək və beyini toksinlərdən təmizləmək. Bundan başqa, hesab olunur ki, yuxular insanları müxtəlif vəziyyətlərə qarşı “təlimləndirir” – yalnız qarşılaşdığımız hallara deyil, həm də gələcəkdə rastlaşa biləcəyimiz vəziyyətlərə reaksiya göstərmək üçün.

Heyvanlardakı yuxulara gəldikdə isə Huper qeyd edib ki, hər kəs yəqin bir it və ya pişiyin yuxuda titrədiyini bir dəfədən çox görüb və bu hərəkətlər, çox güman ki, yuxunun sübutudur.

"Lakin hərəkətsizlik yuxuların olmaması demək deyil. Bir çox vəhşi heyvanlar yırtıcıları cəlb etməmək üçün yuxu zamanı çox hərəkət etməmək üçün təkamül keçirmiş ola bilər", deyə o yazır.

Lakin, elm adamları heyvanların yuxu gördüklərini dəqiq öyrəniblər. Bundan əvvəl onlar yuxu zamanı beyin fəaliyyətini araşdırıblar.

"Bu, çox sayda heyvanda öyrənilməyib, lakin yuxulara bənzər beyin fəaliyyəti siçovullar, meymunlar və səkkizayaqlılar da daxil olmaqla bir çox növdə aşkar edilib", deyə müəllif bildirib.

Onun sözlərinə görə, alimlər hətta heyvanların bu şəkildə nəyi xəyal etdiyini də öyrənə biliblər:

"Yuxu görən siçovulların neyron fəaliyyəti onların oyaq ikən araşdırdıqları labirintlər kimi müəyyən yerləri xəyal etdiklərini göstərir. Bununla yanaşı, onlar hətta bu yolları tərs istiqamətdə gəzə və yuxularında yeni yollar təsəvvür edə bilirdilər".

O əlavə edib ki, bəzi alimlər heyvanların yuxu görmə qabiliyyətinin şüurun əlaməti olduğuna inanırlar. Bu da o deməkdir ki, bir çox növün əvvəllər düşünüləndən daha dərin daxili dünyaları var və elm onları yeni kəşf etməyə başlayır.

Samir