Qunduzlar yarı su canlılarıdır və dərin suda özlərini daha təhlükəsiz hiss edirlər. Bu heyvanlar haqqında ən tanınmış faktlardan biri onların su bəndləri inşa etməyə meyilli olmasıdır. 

HİT.az xəbər verir ki, "BBC Wildlife Magazine" qunduzlar bunu niyə etdiyini izah edib.

Qeyd olunur ki, qunduz öz sığınacağına və ya yuvasına girişin suyun altında olmasını üstün tutur. Məhz buna görə də, əgər qunduz  su səviyyəsinin dəyişdiyi ərazilərdə yaşayırsa, su bəndini inşa edərək dərin bir göl əmələ gətirir. Su bəndləri adətən böyük çaylarda və bulaqlarda rast gəlinmir, çünki suyun dərinliyi kifayətdir.

Nəşr əlavə edib ki, gölün dərinliyi su bəndinin hündürlüyü ilə müəyyən edilir. Suyun ən aşağı nöqtədən axması qunduza harada maneəni qaldırmalı olduğunu xəbər verir.

Bənd inşa edildikdən sonra su səviyyəsi bir qədər qalxır və sonra növbəti ən aşağı nöqtəyə doğru itələnir, bu nöqtə də bağlanır. Zamanla qunduz bəndləri uzunluq və hündürlük baxımından böyüyür və bəzən nəhəng tikililərə çevrilə bilər.

Maraqlıdır ki, qunduzun erkək və dişi fərdləri, övladları ilə birlikdə bəndləri inşa edir. Onlar instinktiv olaraq nə etməli olduqlarını bilirlər.

Qunduz sürətli axan bulağı bağlayarkən, bəndləri sahildən başlayaraq, çubuqları axınla paralel düzərək inşa edir. Zamanla kanal daralır və qunduz tam olaraq keçidi bağlaya bilir. Bundan əlavə, qunduz bəndləri demək olar ki, yerdə tapdıqları hər şeydən qurur. Ən çox ağac budaqlarından istifadə edirlər.

Əgər qunduz bənd üçün kifayət qədər material tapmasa, onlar iti dişləri ilə kiçik ağacları kəsib yıxa bilərlər. Nəşr əlavə edir ki, qunduz bəzən su bəndlərini tikmək üçün kərpic, beton parçaları və hasar dirəklərindən də istifadə edir.

Samir