İnsanı bəzən dejavyu hissi bürüyür. Sanki indiki həyatda bəzi anlar tanış gəlir, elə bil siz artıq burada olmuş və ya bunu əvvəllər etmisiniz. Bəs əgər bu həqiqətən belədirsə? Siz xatırlamaya bilərsiniz, amma ruhunuz xatırlayır. Hər bir ruh bu dünyada artıq olub və deməli, ən azı bir keçmiş həyat yaşayıb. Sonuncu təcəssüm isə indiki dövrdə zehni, emosional və mənəvi inkişafınıza ən güclü təsir göstərir. İstedadlar, dərslər, karma və digər amillər sizinlə birlikdə gəlir.
HİT.az xəbər verir ki, bəzən nostalji anlar və keçmişə işarə edən “işarələr” yaranır, lakin bunu dəqiq necə öyrənmək olar? Numeroloqlar, spirituallar və astroloqlar bildirirlər ki, keçmiş həyatda kim olduğunuz birbaşa doğum tarixinizlə bağlıdır. Bu rəqəmin “enerjisi” ruhunuzun tarixini göstərir. "Parade" nəşri yazır ki, 1-dən 31-dək doğulanlar üçün mümkün keçmiş həyat ssenariləri belə izah olunur.
Doğum tarixinə görə keçmiş həyat
Doğum gününüzün hansı qrupa aid olduğunu yoxlayın (ayın əhəmiyyəti yoxdur).
1, 10, 19 və ya 28-də doğulanlar
Bu tarixlərdə doğulanların keçmiş həyatı təşəbbüskar və müstəqil olub. Ola bilər ki, siz mühüm kəşf, ekspedisiya və ya yenilikdə iştirak etmisiniz. Naməlumun araşdırılması ruhunuzun çağırışı idi. Uzun səfərlər səbəbindən tənhalıq hissi yaşaya bilərdiniz. Yeni mühitlərdə tez uyğunlaşmaq bacarığınız bunu təsdiqləyə bilər.
2, 11, 20 və ya 29-da doğulanlar
Sizin keçmiş həyatınız sakit və harmonik olub. Mübahisələrin həlli üçün müraciət edilən ədalətli insan kimi tanınırdınız. Mümkündür ki, mediator, hüquq-mühafizə sahəsində və ya məhkəmədə çalışmısınız. Bu, yüksək emosional intellekt tələb edirdi və siz bu xüsusiyyəti indi də daşıyırsınız.
3, 12, 21 və ya 30-da doğulanlar
Keçmiş həyatınız intellektual və yaradıcı olub. Humanitar elmlər və ya incəsənət sahəsində iz qoymuş ola bilərsiniz. Yazdığınız əsərlər və ya yaratdığınız işlər hələ də öyrənilir. Hər hansı tarixi sənətkar sizə yaxın hiss olunursa, bu təsadüfi olmaya bilər.
4, 13, 22 və ya 31-də doğulanlar
Sizin əsas rolunuz quruculuq olub. Sadə evdən tutmuş böyük tikililərə qədər yaratdığınız işlər bu gün də mövcud ola bilər. Praktik və dözümlü insan kimi cəmiyyətin təhlükəsizliyi üçün çalışmısınız.
5, 14 və ya 23-də doğulanlar
Siz dəyişikliklərin simvolu olmusunuz. İnqilabi proseslərdə iştirak etmiş və ya cəmiyyətin dönüş nöqtələrində rol oynamısınız. Azadlıq və yenilik istəyi sizin əsas xüsusiyyətiniz olub və bu xüsusiyyət bu gün də davam edə bilər.
6, 15 və ya 24-də doğulanlar
Ailə və ev mövzusu sizin üçün əsasdır. Keçmiş həyatınız ya sevgi dolu ailə mühiti, ya da məcburi köç və ayrılıqlarla bağlı olub. Müəyyən bir yerə güclü bağlılıq hiss edirsinizsə, bu keçmişin əks-sədası ola bilər.
7, 16 və ya 25-də doğulanlar
Siz alim, filosof və ya riyaziyyatçı olmusunuz. Dərin düşüncə və analiz qabiliyyətinizlə seçilirdiniz. Böyük kəşflər etmiş ola bilərsiniz. Bu gün hansı sahə sizi cəlb edirsə, bu, keçmiş təcrübənin izi ola bilər.
8, 17 və ya 26-da doğulanlar
Keçmişdə böyük var-dövlətə sahib olmusunuz. Yüksək sosial təbəqəyə və ya hətta hakim ailəyə aid ola bilərsiniz. Lakin əsas dərsiniz səxavət olub və bu mövzu bu gün də həyatınızda önəm daşıya bilər.
9, 18 və ya 27-də doğulanlar
Siz “köhnə ruh” hesab edilirsiniz. Keçmiş həyatınızla bağlı xatirələr yuxular, musiqi və ya sənət vasitəsilə üzə çıxa bilər. Siz kahin, baş keşiş və ya cadugər kimi tanına bilərdiniz. Ruhlar aləmi ilə xüsusi bağınız olub və bu həyatda balans tapmaq vacibdir.
Qeyd edək ki, astrologiya, tarot, numerologiya, falçılıq, ekstrasensorika və digər oxşar praktikalar elmi sahələr hesab edilmir. Onlar qədim ənənələrə, inanclara və şərhlərə əsaslanır, lakin elmi tədqiqatlarla təsdiqlənməyib və obyektiv sübutlara malik deyil. Bu metodlar akademik elmi mühitdə qəbul olunmur və bu mövzuda materiallar çox vaxt əyləncə xarakteri daşıyır – onları qərar qəbul etmək və ya plan qurmaq üçün etibarlı vasitə kimi qiymətləndirmək olmaz. Psixologiya və ya sağlamlıqla bağlı məsələlərdə həmişə elmi mütəxəssislərə müraciət etmək tövsiyə olunur.
Samir
