Numeroloqların fikrincə, 8 rəqəmi numerologiyada ən güclü simvollardan biri hesab olunur və ambisiya, maddi uğur, liderliklə yanaşı, mürəkkəb həyat sınaqları ilə də əlaqələndirilir. 

HİT.az xəbər verir ki, bu barədə "Okdiario" nəşri yazır.

Qeyd olunur ki, xüsusilə 8 rəqəmi doğum tarixində bir neçə dəfə təkrarlandıqda, məsələn, 8 avqust (08.08) tarixində doğulanlarda bu simvolizmin daha güclü təsir göstərdiyinə inanılır. Numerologiya tərəfdarlarının fikrincə, həmin şəxslər həyatları boyunca maliyyə çətinlikləri və taleyüklü qərarlarla daha tez-tez qarşılaşa bilərlər.

Numerologiyada "taleyin sayı" necə hesablanır?

Bu yanaşmaya görə, doğum tarixindəki bütün rəqəmlər toplanaraq birrəqəmli nəticə əldə edilir və buna "taleyin sayı" deyilir.

Məsələn, 15 iyul 1990-cı il tarixində doğulan şəxs üçün hesablanma belə aparılır:

* Gün: 1+5 = 6
* Ay: 7
* İl: 1+9+9+0 = 19, sonra 1+9 = 10, daha sonra 1+0 = 1

Nəticə: 6+7+1 = 14, sonra 1+4 = 5.

Beləliklə, bu nümunədə "taleyin sayı" 5 hesab olunur.

Numerologiyada rəqəmlərin mənaları belə izah edilir:

* 1 – müstəqillik, yenilikçilik və liderlik;
* 2 – harmoniya, həssaslıq və kompromis bacarığı;
* 3 – yaradıcılıq, ünsiyyətcillik və nikbinlik;
* 4 – intizam, etibarlılıq və sabitlik;
* 5 – azadlıq, maraq və dəyişiklik sevgisi;
* 6 – qayğıkeşlik, məsuliyyət və başqalarına xidmət;
* 7 – analitik düşüncə və fəlsəfi yanaşma;
* 8 – ambisiya və biznesdə liderlik;
* 9 – altruizm, səxavət və dünyanı yaxşılaşdırmaq istəyi.

Samir