Ayaq barmaqlarının uzunluğu və düzülüşünə əsasən insanın xarakteri və həyat tərzi barədə nəticə çıxarmağa çalışan yanaşma mövcuddur. Bu metod solestriya adlanır və bir növ əl falını xatırladır.

HİT.az xəbər verir ki, “UNIAN”ın məlumatına görə, solestriyada ayağın forması, barmaqların nisbəti və uzunluğu, ayaq tağının hündürlüyü və dabanın quruluşu kimi xüsusiyyətlər nəzərə alınır. Bu yanaşmanın elmi xarakter daşımadığını da qeyd etmək lazımdır.

Bu üsula görə, əsas ayaq formaları və onlara aid edilən xarakter xüsusiyyətləri belədir:

1. Misir tipli ayaq

Bu formada baş barmaq ən uzun olur, digər barmaqlar isə tədricən qısalaraq düz xətt yaradır. Bu tip ayağa sahib insanların xəyalpərəst və romantik olduğu, zəngin təxəyyülə malik olduqları iddia edilir. Onların şəxsi məkanlarına önəm verdikləri və hisslərini hər kəslə bölüşmədikləri düşünülür.

2. Roma tipli ayaq

İlk üç barmağın təxminən eyni uzunluqda olduğu, son iki barmağın isə daha qısa qaldığı formadır. Solestriyaya görə, belə insanlar ünsiyyətcil, xarizmatik və sosial olurlar. Səyahət etməyi, yeni insanlarla və mədəniyyətlərlə tanış olmağı sevdikləri, natiqlik və diplomatik qabiliyyətlərinin güclü olduğu deyilir.

3. Yunan tipli ayaq

Bu formada ikinci barmaq baş barmaqdan daha uzun olur və irəli çıxır. Bu tipə enerji, dinamizm və yaradıcılıq aid edilir. Belə insanların liderliyə meylli olduğu, məsuliyyət götürməkdən çəkinmədiyi bildirilir. Eyni zamanda impulsiv və stresə həssas ola biləcəkləri qeyd olunur.

4. Uzun baş barmaqlı ayaq

Baş barmaq digər barmaqlardan nəzərəçarpacaq dərəcədə uzun olur. Bu formaya sahib insanların müstəqilliyə böyük əhəmiyyət verdiyi, başqalarının fikirlərinin onlara diktə edilməsini sevmədiyi iddia olunur. Öz mövqelərini hətta azlıqda qaldıqda belə müdafiə etdikləri bildirilir.

5. Yumşaq xəttli ayaq

Barmaqlar baş barmaqdan kiçik barmağa doğru hamar və yuvarlaq xətt əmələ gətirir. Solestriyaya görə, belə insanlar sakit, ünsiyyətcil və uyğunlaşa bilən xarakterə malikdir. Onların münaqişələrdən qaçmağa və qarşı tərəfin mövqeyini anlamağa çalışdıqları deyilir.

6. Pilləli ayaq

Barmaqlar pilləvari görünür: ikinci barmaq birincidən uzun, digərləri isə tədricən qısa olur. Bu tip insanların qeyri-adi yumor hissinə və fərqli dünyagörüşünə sahib olduğu iddia edilir. Rutini sevmədikləri və daim yeni təcrübələr axtardıqları bildirilir.

7. Kvadrat formalı ayaq

Beş barmağın demək olar ki, eyni uzunluqda olduğu və düz xətt yaratdığı formadır. Bu tipə sahib insanlar praktik, sakit və etibarlı kimi xarakterizə edilir. Onların qərar verməzdən əvvəl detalları diqqətlə təhlil etdikləri və verdikləri sözə sadiq qaldıqları iddia olunur.

8. İkinci barmağın önə çıxdığı ayaq

Bu formada barmaqların əksəriyyəti eyni xətt üzərində yerləşir, ikinci barmaq isə digərlərindən daha uzun olur. Solestriyaya görə, belə insanlar emosional, ehtiraslı və detallara diqqətli olurlar. Onların mükəmməlliyyətçiliyə meylli olduğu və vacib məsələlərdə yüksək qətiyyət nümayiş etdirdiyi bildirilir.

Samir