Banklara nəzarət və maliyyə hesabatlarının audit məsələlərini gücləndirmək niyyətindəyik.

HİT.Az-ın xəbərinə görə, bu barədə qurumun sədri Elman Rüstəmov keçirdiyi mətbuat konfrasında məlumat verib. E. Rüstəmovun sözlərinə görə, Mərkəzi Bankın son dövrdə bu məsələlərə diqqəti artıb: 

"Maliyyə vəziyyətində problem yaranmış banklarda belə hadisələr baş verə bilir. Mərkəzi Bank tərəfindən risk qrupları müəyyənləşdiriləcək. Cinayət Məcəlləsində aldatma, vəzifə səlahiyyətlərindən istifadə, saxtakarlıq üzrə kifayət qədər maddələr var. Düşünürəm ki, bu maddələri konkretləşdirmək və maliyyə xidmətlərində aldatmalarla bağlı daha konkret cəzaların müəyyənləşməsinə, maddələrin əlavəsinə ehtiyac var".