Xalq artisti Aygün Kazımova ötən ay Tovuzda şəhid olmuş general-mayor Polad Həşimovun timsalında şəhidlərə klip həsr edib.
HİT.Az xəbər verir ki, sənətçi əsgərlərin ölümünün 40-cı günündə layihəni təqdim edib:
“Bu gün bizim igid generalımız, vətən uğrunda canından keçmiş Polad Həşimovun və polkovnik İlqar Mirzəyevin şəhidlik zirvəsinə yüksəlməsindən 40 gün ötür. Ağır, həm də qürurlu bir gündə sizə yeni “Əsgər marşı” adlı layihəmi təqdim edirəm. Bu layihəni, başda generalımız və polkovnikimiz olmaqla, bütün şəhidlərimizə ithaf edirəm.”
Ekran işi Daxili İşlər Nazirliyinin dəstəyi ilə hərbi hissədə, əsgərlərlə bərabər çəkilib.
Həmin görüntüləri təqdim edirik:
