Cənubi Kiprdə yerləşən “Politis” qəzeti Kiprin “qızıl pasport”una malik iş adamlarının adlarını açıqlayıb.

Modern.az xəbər verir ki, “qızıl pasport” sahibləri 2008-2012-ci illərdə investisiya müqabilində Kiprin “qızıl pasport”unu alıblar.

Kipr prezidenti Nikos Anastadiasisin göndərdiyi məktuba əsasən, 4 il ərzində Rusiya və Ukraynadan olan 141 iş adamı Kipr vətəndaşlığı alıb.

“Qızıl pasport” alanlar arasında Azərbaycan əsilli iş adamları, “Kievskaya Ploşad” holdinqinin və “Fud Siti” bazarının sahibləri Qod Nisanovla Zarah İliyev də var.

Xatırladaq ki, bu iş adamları əslən Qubanın Qırmızı qəsəbəsindəndirlər.