“Güləş, cüdo, sambodan olan idmançıları bir müddətdən sonra itirə bilərik”.

Bunu deputat Müşfiq Cəfərov Gənclər və idman komitəsinin bu gün keçirilən iclasında idman zallarının bağlı qalması məsələsindən danışarkən deyib.

O qeyd edib ki, ola bilsin, pandemiya dövründə iki nəfərin döşək üstündə güləşməsi qapalı məkanda problem yarada bilər: “Ancaq bundan çıxış yolu var. Bunun üçün xüsusi maketlər var. Onlardan bir neçəsini alıb idman zallarına qoya bilərik. Bu təklifi Operativ Qərargaha təklif kimi verə bilərik. Belə olarsa, idmançılar öz formasını itirməyə bilər”.(qafqazinfo.az)