Azərbaycanda koronavirus pandemiyası ilə bağlı tətbiq olunan karantin rejimi ilə əlaqədar təxirə düşən əsas tədbirlərdən biri də toy və yas mərasimləridir. Artıq 7 aydan çoxdur ki, bu qadağa qüvvədədir.

Maraqlıdır, pandemiyadan sonra toy və yas mərasimləri necə və hansı şərtlərlə keçiriləcək?

HİT.Az demokrat.az-a istinadən xəbər verir k,i Məsələ ilə bağlı sosioloq Eyyub Hüseynov bildirib ki, birmənalı şəkildə vəziyyət heç də yaxşı deyil: “Toylar mütləq təxirə salınmalıdır və yaxud sadə bir mərasim təşkil olunmalıdır. Yəni ev şəraitində ailə üzvləri ilə keçirilə bilər. Yas mərasimləri birmənalı şəkildə dayandırılmalıdır. Ümumiyyətlə, təntənəli yas mərasimləri pandemiyadan sonra da davam etməməlidir. Kiçik toy məsələsinə gəlincə, çox lazımsız bir məsələdir. Hətta bir övladı olan adamlar da kiçik toy məclisi etməməlidir. Toylarda gərəksiz yerə israfçılığa yol verirlər. Mən tərəfdarıyam ki, bu məsələ həll olunsun. Çünki regionlardakı monitoriqlərim göstərdi ki, pandemiya yenidən yayıla bilər”.

Ekspert onu da qeyd edib ki, pandemiya dövründə Azərbaycan əhalisinə və istehlakçılarına edilən bəzi mədəniyyətsizliklərə son qoyulmalıdır:

“Ümumiyyətlə, toylara yeni bir mədəniyyət gətirilməlidir. Mən demirəm Avropa mədəniyyətini təbliğ edək, özümüzün milli, sadə və israfçılıqdan uzaq milli dəyərlərimizi qorumaq və formalaşdırmaq daha yaxşı olardı”.