Gəncədə şəhərində Vaqif Əliyev adına 12 nömrəli tam orta məktəb koronavirus infeksiyası səbəbindən distant təhsilə keçib.
APA-nın yerli bürosunun məlumatına görə, bu barədə Gəncə şəhər Təhsil İdarəsindən bildirilib.xa0
Qeyd edilib ki, sözügedən təhsil ocağında 1 müəllim və 1 texniki işçidə COVİD-19 virusu aşkar edilib.
Bu səbəbdən məktəbin 14 gün müddətinə bağlanmasına qərar verilib.xa0
Xatırladaq ki, Gəncədə bundan əvvəl 37 nömrəli tam orta məktəb koronavirus infeksiyasına görə onlayn tədrisə keçmişdi. Artıq məktəbdə bu gündən əyani təhsil bərpa edilib.
