Bakıda yol polisi xidməti avtomobili ilə qəza törədib.

Hit.az xəbər verir ki, hadisə paytaxtın Nərimanov rayonunda, Heydər Əliyev Mərkəzinin yaxınlığında baş verib. 

Belə ki, Dövlət Yol Polisinə məxsus 358 nömrəli xidməti avtomobil yol kənarındakı dirəyə çırpılıb.

Qəzaya səbəb yüksək sürət olub. Qəza nəticəsində həmin istiqamətdə avtomobillərin hərəkətində sıxlıq yaranıb.

Bu barədə Oxu.Az-a Bakı Şəhər Baş Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovniki Vaqif Əsədov hadisə ilə bağlı Oxu.az-a açıqlama verib. 
O, açıqlamasında bildirib ki,  hadisə nəticəsində ölən və yaralanan olmayıb.
V.Əsədov həmçinin  qeyd edib ki, sözügedən ünvanda baş verən qəza digər avtomobilin sürücüsünü yol hərəkəti qaydasını pozması nəticəsində olub:

“Belə ki, 10-VY-110 dövlət nömrə nişanlı minik avtomobili ilə 90-YP-358 dövlət nömrə nişanlı polis maşını toqquşub. Hadisə yerinə baxış keçirilib. Araşdırma zamanı bəlli olub ki, qəzaya səbəb minik avtomobilidir. Sözügedən avtomobilin sürücüsünə müvafiq protokol yazılıb. Qəza yüngül maddi ziyanla nəticələnib”.