Paytaxtda kirayə qaldığı ev sahibinin oğlunu qətlə yetirməkdə təqsirli bilinən Aynur Məmmədovanın cinayət işi.

Hit.Az "Ölkə.Az"-a istinadla xəbər verir ki, 2011-ci ilin martın 20-də Nərimanov rayonu ərazisində başı, əlləri və ayaqları kəsilmiş naməlum meyitin bədən hissəsinin aşkar edilməsi bağlı rayon prokurorluğu tərəfindən cinayət işi başlanılıb.

Elə həmin gün Daş Karxanası küçəsindəki 373 saylı evdə özünü kişi kimi tədim edərək kirayədə yaşayan Aynur Məmmədova şübhəli şəxs qismində saxlanılıb.
Dindirmə zamanı Aynur Məmmədova tapılan cəsədin ev sahibinin oğluna məxsus olduğunu etiraf edib.

İstinaqla müəyyən edilib ki, Aynur Məmmədova Daş Karxanası küçəsi 373 ünvanında yerləşən ev sahibi Kərim Məmmədova və onun ailə üzvlərinə özünü Kamran adlı kişi kimi təqdim edib kirayədə yaşayarkən, martın 12-si gunorta saatlarında ev sahibinin oğlu Sərdar Məmmədovla birgə nahar edərək spritli içki qəbul ediblər.

Təsadüfən sinəsinin açılmasını görən Sərdar Məmmədov əli ilə onun sinəsinə toxunaraq Aynurun qadın olmasını görüb.

Aynur Məmmədova isə bundan əsəbləşib Sərdarın bu barədə başqalarına danıçacağını və onun kişi yox, qadın olduğunu yayacağını düşünüb.

Elə həmin an Aynur Məmmədova masanın üzərindəki bıçağı götürüb Sərdarın boğazına bir zərbə vurub. Daha sonra ona işgəncə vermək məqsədi ilə Sərdarın başına balta ilə vuraraq bədənindən ayırıb.

Dəhşətli qətl barədə daha ətraflı videonu təqdim edirik.