Ötən gün saat 18:40 radələrində 28 May - 9-cu Mikrorayon (Adil Məmmədov küçəsi) istiqamətində hərəkət edən 85 saylı marşrut xətti üzrə hərəkət edən 99 JS 787 dövlət qeydiyyat nişanlı "İsuzu Citiport" markalı avtobusda sərnişinlərdən biri tərəfindən insident törədilib.

HİT.Az “Xaliq Faiqoğlu” şirkətinin yaydığı məlumata istinadən xəbər verir ki, avtobusun Ziya Bünyadov prospekti 7A ünvanındakı dayanacaqda dayanmasından sonra orta və ya arxa qapıdan deyil, təkidlə ön qapıdan enən sərnişin daha sonra geri qayıdaraq nəqliyyat vasitəsinin ön şüşəsini yumruqla zərbə endirərək sındırıb.

Törədilmiş xuliqanlıq əməli ilə bağlı “Xaliq Faiqoğlu” şirkəti tərəfindən hüquq-mühafizə orqanlarına müraciət edilib.

Hər bir sərnişindən müəyyən edilmiş qaydalara hörmətlə yanaşmalarını xahiş edirik.