Vətən müharibəsində könüllü döyüşən, Qırılı kəndindən olan Əliheydər Səlahəddin oğlu Hüseynlinin şəhidlik zirvəsində birinci ildönümü qeyd olunub.

Anım günündə şəhidimizin ailəsi ziyarət olunub, əziz xatirəsi ehtiramla yad edilib.

Əliheydər 14.04.1994-cü ildə Qırılı kəndində anadan olub. Bir çox oğullarımız kimi işğal altında olan torpaqlarımızın azadlığı uğrunda gedən 44 günlük Vətən müharibəsində iştirak etmək üçün Azərbaycan Silahlı Qüvvələrinin sıralarına könüllü olaraq qatılıb. O, Füzuli, Cəbrayıl, Qubadlı və Xocəvənd döyüşlərində sücayət göstərib. Doğma Qırılı kəndində torpağa tapşırılan şəhidimiz “Vətən uğrunda”, “Döyüşdə fərqlənməyə görə”, “Xocavəndin azad olunmasına görə” və “Füzulinin azad olunmasına görə” medalları ilə təltif olunub.