Bakıda aztəminatlı ailələri təhqir edən Samid Bağırovla bağlı bəzi məlumatlar vermişdik.

“Akkord” şirkətlər qrupundan Qaynarinfo-ya həmin şəxsin orada hazırda çalışmadığını bildirilib.

“S. Bağırov 2013-cü ildə “Akkord”un törəmə şirkətində ambardar, 2019-cu ildə mütəxəssis, 2020-ci ilin dekabrında isə bu vəzifəsindən də azad olunub. Hazırda həmin şəxsin bizim şirkətdə çalışmır. Həmçinin sözügedən şəxsin Zakir Qaralovun yaxını olması məsələsinə gəldikdə isə onunla heç bir əlaqəsi yoxdur. Bu məlumat yalnışdır”.

13:19

Xəbər verdiyimiz kimi, ötən gün sosial şəbəkələrdə yüksək sürətlə hərəkət edən “Gelandewagen” markalı avtomobilin sürücüsünün aztəminatlı ailələri təhqir edən görüntüləri yayılıb.

Dərhal polis əməkdaşları tərəfindən müvafiq tədbirlər həyata keçirilib və 1985-ci il təvəllüdlü Samid Bağırov müəyyən edilərək saxlanılıb.

S.Bağırovla polis idarəsində profilaktiki söhbət aparılıb və xəbərdarlıq edildikdən sonra sərbəst buraxılıb. O, əməlindən peşman olduğunu deyərək üzrxahlıq edib.

Bakupost.az həmin sürücü ilə bağlı bəzi maraqlı məlumatlar əldə edib.

Bəlli olub ki, 37 yaşlı S.Bağırov heç də sıradan bir nəfər deyil. Uzun müddət “Akkord” Şirkətlər Qrupunun xəzinədarı olub.

O, sabiq baş prokuror Zakir Qaralovun yaxını, daha dəqiq desək, “pulyığanı” kimi tanınıb.

Samid Bağırovun hazırda da həmin adamlarla isti münasibətinin davam etdiyi bildirilir.