Qusarda bir ailənin dəm qazından boğularaq ölən üzvlərinin adları məlum olub.
Oxu.Az-ın məlumatına görə, dəm qazından ölən şəxslər ər-arvad və övladlarıdır.
Dəm qazından boğularaq ölənlərin Qusar şəhər sakinləri - 1987-ci il təvəllüdlü Rusif Şıxov və onun arvadı 1993-cü il təvəllüdlü Əminə Şıxova, 2017-ci il təvəllüdlü İmarə Şıxova və digər iki azyaşlıdır.
Baş Prokurorluğun Mətbuat xidmətindən bildirilib ki, hadisə fevralın 17-də Qusar şəhəri, H.Əliyev küçəsində yerləşən çoxmənzilli yaşayış binasında mənzillərdən birində qeydə alınıb.
Prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitlərə baxış keçirilib.
Faktla bağlı Qusar Rayon Prokurorluğunda Cinayət Məcəlləsinin 314.3-cü (səhlənkarlıq ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanıb.
Hazırda intensiv istintaq tədbirləri davam etdirilir.
*** 16:30
Qusarda dəm qazından zəhərlənənlər bir ailənin üzvüdür.
Oxu.Az-ın məlumatına görə, hadisə gecə saatlarında şəhər ərazisində qeyd alınıb.
Hazırda hüquq-mühafizə orqanlarının əməkdaşları faktla bağlı araşdırma aparır.
Daxili İşlər Nazirliyinin Mətbuat Xidmətinin Quba regional qrupundan Oxu.Az-a fakt təsdiqlənib.
Bildirilib ki, hazırda ölənlərin kimliyi müəyyənləşdirilir.
*** 16:14
Qusar rayonunda bir evdən beş nəfərin meyiti tapılıb.
HİT.az APA-ya istinadən xəbər verir ki, hadisə şəhər ərazisində qeydə alınıb.
Hadisə yerinə hüquq-mühafizə oraqlanlarının əməkdaşları cəlb olunub.
İlkin ehtimala görə, onlar dəm qazından boğularaq ölüb.