Pensiyalarla bağlı qanuna da dəyişiklik edilir.  Belə ki, əmək pensiyaları haqqında qanunun bir sıra maddələrinə dəyişikliklər təklif olunur. Millət vəkili Vüqar Bayramov bildirib ki, əmək pensiyaları haqqında qanuna edilən dəyişikliklər, əmək pensiyalarına əlçatanlığın gücləndirilməsi, pensiya kapitalının daha ədalətli bölüşdürülməsi baxımından vacib hesab olunur.

HİT.az Xəzər TV-yə istinadən xəbər verir ki, yaşa, yaxud əlilliyə görə pensiya alan şəxs ailə başçısını itirdikdə və ailə başçısını itirməyə görə də pensiya hüququ yarandıqda öz pensiyasını seçirsə, ona hesablanan pensiya məbləği digər ailə üzvləri arasında bölüşdürüləcək.

Bu, "Əmək pensiyaları haqqında" qanuna təklif edilən dəyişiklikdə əksini tapıb. Milli Məclisin Əmək və sosial siyasət komitəsinin üzvü, millət vəkili Vüqar Bayramov bildirib ki, Əmək pensiyaları haqqında qanuna edilən dəyişikliklər, əmək pensiyalarına əlçatanlığın gücləndirilməsi, pensiya kapitalının daha ədalətli bölüşdürülməsi baxımından, vacib hesab olunur.

Eyni zamanda yeni dəyişikliklərə əsasən, yalnız analar deyil, ataların da daha tez pensiyaya çıxmaq imkanları olacaq.

Millət vəkili bildirib ki, işləyən pensiyaçı vətəndaşlar üçün də dəyişikliklər və yeniliklər var.

"Əmək pensiyaları haqqında "qanuna edilən dəyişikliklərə artıq növbəti həftə Milli Məclisdə baxılacaq və komitə iclasında müzakirə ediləcək - deyə Vüqar Bayramov əlavə edib.