ÖLKƏ
09:40 / 15.08.2022
782

Bakıda qazini qətlə yetirən şəxs saxlanıldı - YENİLƏNİB

Nəsimi rayon prokurorluğu ötən gecə törədilən qətllə bağlı məlumat yayıb.

Prokurorluqdan HİT.az-a verilən xəbərə görə, avqustun 15-i saat 01 radələrində paytaxtın Nəsimi rayonu, 3-cü Alatava ərazisində 1998-ci il təvəllüdlü Niyaməddin Muradovun öldürülməsi barədə rayon prokurorluğuna məlumat daxil olub.

Aparılmış araşdırmalarla 1999-cu il təvəllüdlü Bəxtiyar Qarayevin aralarında yaranmış mübahisə zamanı əvvəldən tanımadığı Niyaməddin Muradovun döş qəfəsinin sol yarısına bıçaqla xəsarət yetirərək onu qəsdən öldürməsinə əsaslı şübhələr müəyyən edilib.

Faktla bağlı Nəsimi rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Bəxtiyar Qarayev şübhəli şəxs qismində tutularaq istintaqa cəlb edilib.

Hazırda istintaq tədbirləri davam edir.

09.07

Bakının Nəsimi rayonunda qanlı hadisə baş verib.

HİT.az APA-ya istinadən xəbər verir ki, hadisə “Kubinka” ərazisində qeydə alınıb.

1998-ci il təvəllüdlü Ürəyindən bıçaqlanan Muradov Niyaməddin Dərşad oğlu parkda qətlə yetirilib. Niyaməddin Ağayev naməlum şəxs tərəfindən ürəyindən bıçaqlanıb. O, elə hadisə yerində dünyasını dəyişib.

Niyaməddin Muradov naməlum kişini qadının əlindən telefon alaraq onu döyməsinin şahidi olub. O, dərhal həmin kişinin bu əməlinin qarşısını almaq üçün qadını müdafiə etməyə çalışıb. Naməlum kişi bıçaqla Niyaməddin Muradovun ürəyinə zərbə endirib.

Faktla bağlı Nəsimi Rayon Polis İdarəsi və Prokurorluğunun əməkdaşları tərəfindən araşdırma aparılır.

Qeyd edək ki, Niyaməddin Muradov 44 günlük Vətən müharibəsi iştirakçısıdır. o, “Qubadlının azad olunmasına” görə medalı ilə təltif edilib.

0