Ağstafa rayon İcra Hakimiyyətinin başçısı Seymur Orucov Ağstafa şəhərində qəbulunu keçirib vətəndaşların növbəti səyyar qəbulunu keçirib
1 nömrəli Folklor Klubunun binasının akt zalında keçirilən səyyar qəbulda rayonun hüquq-mühafizə orqanlarının rəhbərləri, RİH başçısı aparatının və aidiyyəti üzrə təşkilatların məsul əməkdaşları, eləcə də Ağstafa şəhər ictimayyiətinin nümayəndələri iştirak ediblər.
RİH başçısı çıxışında ölkəmizin dinamik sosial-iqtisadi inkişafından, hərbi qüdrətindən, dövlətimizin əsas prioritet istiqamətlərindən olan Qarabağ və Şərqi Zəngəzurun yenidən qurulması və məcburi köçkünlərin öz evlərinə qayıtmalarını özündə ehtiva edən Böyük Qayıdış konsepsiyasından söz açıb.
Vətəndaşların irəli sürdükləri müxtəlif məzmunlu təklif və müraciətlər qəbul olunaraq nəzarətə götürülüb. Qaldırılan hər bir məsələ ətrafında müzakirələr aparılıb və həlli ilə bağlı qanunamüvafiq qaydada tədbirlər müəyyən edilib.
Son illərdə bu istiqamətdə ciddi irəliləyişlərə nail olunmuş, əhalinin sosial ödənişlərin, əməkhaqlarının artırılması istiqamətində ardıcıl addımlar atılmışdır.
