Bu gün bir qrup şəxs Milli Məclisin inzibati binasının qarşısında aksiya keçirməyə cəhd edib. "Qarabağa azadlıq" şüarı ilə təşkil olunan aksiyanın polis tərəfindən qarşısı alınıb.

Bakı Şəhər Baş Polis İdarəsinin Mətbuat Xidmətinin rəhbəri, polis mayoru Elşad Hacıyev Oxu.Az-a açıqlamasında bildirib ki, icazəsiz aksiya keçirməyə cəhd edənlər polis əməkdaşları tərəfindən ərazidən uzaqlaşdırılıb:

"Aksiyaya cəhd zamanı saxlanılan olmayıb”.

E.Hacıyev qeyd edib ki, bir neçə şəxsin saxlanılması ilə bağlı yayılan məlumatlar həqiqəti əks etdirmir.