Xalq artisti Siyavuş Aslanın oğlu Çingiz Aslanov torpağa tapşırılıb.
Bu barədə APA-ya Mədəniyyət Nazirliyindən bildirilib.
Qeyd edilib ki, mərhum Yasamal qəbiristanlığında dəfn olunub.
12:51
Xalq artisti Siyavuş Aslanın oğlu Çingiz Aslanov bu gün dəfn ediləcək.
Bu barədə HİT.az-a Mədəniyyət Nazirliyinin mətbuat xidmətindən məlumat verilib.
Bildirilib ki, mərhum Xalq artisti Siyavuş Aslanın oğlu Çingiz Aslanov bu gün saat 14:00-da Təzə Pir Məscidindən Yasamal qəbiristanlığına son mənzilə yola salınacaq. Əlavə edilib ki, dəfnlə bağlı bütün məsələlər üzrə köməklik göstərilib.
Çingiz Aslanov aprelin 29-da vəfat etsə də, ailəsi təhvil almadığından meyiti 7 gündən artıq morqda qalıb.
Qeyd edək ki, Çingiz Aslanov tüfeyli həyat tərzi yaşayırdı. Onun küçələrdə gecələməsi ilə bağlı dəfələrlə görüntülər yayılıb. Ç.Aslanov 2021-ci ildə sığınacaq və sosial reabilitasiya müəssisəsinə yerləşdirilsə də, öz istəyi ilə oranı tərk etmişdi.