Sumqayıtda 5 yaşlı uşaq 7-ci mərtəbədən yıxılaraq ölüb.
Hadisə 9-cu mikrorayon ərazisində qeydə alınıb.2019-cu il təcəllüdlü Eduard Mayis oğlu Mürsəlovun yaşadığı evin eyvanından yıxılaraq öldüyü bildirilir.
Təəssüf ki, son vaxtlar belə xəbərləri tez-tez eşidirik.
Bəs bunun səbəbi nədir: diqqətsizlik, yoxsa...
Psixoloq Könül İsmayılova Hit.az-a deyib ki, valideyn olmaq elə də asan bir şey deyil. Müəyyən bir yaşa qədər, ən azı 5-6 yaşa qədər saniyə-saniyə uşaq nəzarətdə olmalıdır. Evdə birinin işi varsa, digəri uşağa nəzarət etməlidir. Azyaşlı uşaqları diqqətdən yayındırmaq olmaz. Bu xüsusilə bina evlərinə birmənalı şəkildə aiddir:
"Valideynlər təkcə uşaqlarını yedizdirən şəxs deyil, həmçinin onun sağlamlığı və psixologiyasını qoruyan şəxsdir. Ona görə də diqqətli olmaq lazımdır".
Sevinc