Sosial mediada fala baxdığını, "Quran"la istixarələr edərək gələcəklə bağlı proqnoz verdiyini iddia edən şəxslər az deyil. 

Ən çox TikTok platformasında bu tip insanlara rast gəlinir. 

İlahiyyatçı Tural İrfan Hit.az-a deyib ki, dini özünə alət edərək insanları aldatmaq istəyən insanlar hər gün daha da artır:

“Bu şəxslər iddia edirlər ki, dünyanın hər yerində dini kitablarla gələcəkdə baş verənləri bilmək olur. Təəssüf ki, bu fikirlərə inanan çox sayda insan var.  Əgər insan bir narahatedici işin sonundan əmin deyilsə, o zaman sadəcə hər hansı formada Allaha dua edər, o işin axır aqibətinin xeyir olmasını istəyər. İstixarə duası bax budur. Duanın da xüsusi bir formada, sırf ərəbcə oxunmasına gərək yoxdur. Hər kəs öz dilində Allaha dua edə, xeyir istəyə bilər, vəssalam. Yoxsa burada qeybdən xəbər, fala baxmaq, taleyindən məlumat almaq kimi qoşmalar əlavədir və din adı ilə sadəlövh adamları aldatmaqdır". 

Sevinc