“Peşəyönümlü təhsilin inkişafına yardım”  ictimai birliyi “Universitetlərin rəqabət qabiliyyəti mövzusunda maarifləndirici dəyirmi masaların təşkili”  adlı layihənin icrasını tamamladı. 

Hit.az xəbər verir ki, Azərbaycan Respublikası  “Qeyri-Hökumət Təşkilatlarına Dövlət Dəstəyi Agentliyi”nin verdiyi  kiçik qrant hesabına  “Peşəyönümlü təhsilin inkişafına yardım”  ictimai birliyi   “Universitetlərin rəqabət qabiliyyəti mövzusunda maarifləndirici dəyirmi masaların təşkili”   adlı layihənin icrasını yekunlaşdırıb.

Məlumdur ki, bizim universitetlər 20 ildir ki, universitetlərin qlobal reytinqlərində çox zəif nəticələr göstərirlər. Çünki, universitetlərimiz  qlobal təhsil bazarında rəqabətədavamlı deyil. Bunun bir çox səbəbləri var.  

Təcrübə gösrtərir ki, bizim universitetlər nəinki rəqabətə davamlı deyil, hətta bəzi universitetlərdə “ali təhsil müəssisəsinin rəqabət qabiliyyəti nədir?” sualına birqiymətli cavab verə bilmirlər.

Bu səbəbdən universitetlərdə belə bir mövzuda maarifləndirici dəyirmi masaların keçirilməsinə ehiyac var idi. Əslində belə müzakirələr davamlıolaraq və bütün universitetlərdə təşkil edilməlidir.  Yaxşı haldır ki, Azərbaycan Respublikası  “Qeyri-Hökumət Təşkilatlarına Dövlət Dəstəyi Agentliyi”  təhsil problemlərinə dair belə layihələrə mütəmadi olaraq, qrant ayırır. 

Qeyd edək ki, “Peşəyönümlü təhsilin inkişafına yardım”  ictimai birliyi  sistematik olaraq agentliyin dəstəyi ilə təhsil müəssislərində belə aktual mövzularda tədbirlər təşkil edir. 

Sonuncu  layihə  çərçivəsində  olan dəyirmi masalarda  universitetlərin rəqabət qabiliyyəti nədir, universitetlərin rəqabət qabiliyyətliyi meyarları, universitetlərin rəqabət qabiliyyətliyi və rəqabət üstünlükləri, niyə  universitetləri rəqabət qabiliyyətli  deyil, v.s. kimi məsələlər müzakirə edillib. 

Layihə rəhbəri  “Peşəyönümlü təhsilin inkişafına yardım”  ictimai birliyinin təsisçisi, təhsil eksperti,  dosent İlham Əhmədov  olub.

Layihə çərçivəsində  ölkənin bir neçə   universitetində  belə təbdbirlər  olub.

Bu mövzuda  tədbirlər  ADA universitetində, SDU-də və ADPU-da  təşkil edilib.

Tədbirlərdə  ADA, ADPU, UNEC və digər universitetlərin əməkdaşları, təhsil ekspertləti, təhsil jurnalistləri, təhsil yönümlü QHT nümayəndələri  iştirak ediblər.

Layihə rəhbəri dos. İlham Əhmədov “Universitetlərin rəqabət qabiliyyəti” mövzusunda olan təqdimatı tədbir iştirakçılarınin  böyük  marağına səbəb olub.

Tədbirlərin sonunda hər dəfə mövzu ətrafında maraqlı diskusiyalar da olub.