"Hər il Dövlət İmtahan Mərkəzi (DİM) tərəfindən keçirilən imtahanların statistik təhlilləri aparılır".
Bu sözləri təhsil eksperti Cahid İmanlı Hit.az-a açıqlamasında deyib.
O bildirib ki, bu təhlillər isə müəyyən proqnozlar verməyə imkan yaradır:
"Hesab edirəm ki, 2025-ci ildə ilk növbədə 11-ci sinif üzrə buraxılış imtahanları birmənalı olaraq keçən ilə nisbətən çətin olacaq. Abituriyentlər həm bu səbəbə, həm də buraxılış imtahanlarının bir dəfə verildiyini nəzərə alaraq bu imtahana ciddi hazırlaşmalıdırlar".
Mütəxəssis hansı qruplar üzrə sualların çətin ola biləcəyindən də söz açıb:
"Qəbul imtahanlarında sualların səviyyəsinin nisbətən sabit olacağı gözlənilir. Bu il ən rəqabətli qrupların isə 1-ci və 3-cü olacağını əminliklə demək olar. Həmçinin, abituriyentlər ən rahat 2-ci qrup üzrə qəbul ola biləcəklər".
Cahid İmanlı vurğulayıb ki, hər il 5-ci qruplarda da rəqabət güclü olur:
"Ona görə də abituriyentlər bu qrupda uğur qazanamaq üçün qabiliyyət imtahanı ilə yanaşı, buraxılış imtahanından da yüksək bal toplamalıdırlar".
Pərviz
