Sankt-Peterburqda 2011-ci ildə törədilən qətldə şübhəli bilinən şəxs həbs edilib. Cinayətin qurbanı Sankt-Peterburqun Kompozitorov küçəsindəki evinin girişində güllələnərək öldürülən azərbaycanlı iş adamı olub.
Lent.az bildirir ki, bu barədə Rusiya Daxili İşlər Nazirliyinin Sankt-Peterburq və Leninqrad vilayəti üzrə Baş İdarəsi məlumat yayıb.
“Aparılan əməliyyat-istintaq tədbirləri nəticəsində polis hadisə ilə bağlı səhnəni yenidən qurub və şübhəlinin şəxsiyyətini müəyyən edib.O, Sankt-Peterburqun Vıborq rayonunun 53 yaşlı sakini olub”, - məlumatda vurğulanır.
2011-ci ilin fevralında Kompozitorov küçəsi 29/1 ünvanındakı binanın girişində 44 yaşlı iş adamı odlu silahdan açılan üç atəş nəticəsində ölümcül yaralanıb. Hadisədən sonra hücum edən qaçıb, azərbaycanlı biznsmen isə aldığı yaralardan ölüb. Qətl maddəsi ilə cinayət işi başlansa da, qatili tapmaq üçün ilkin cəhdlər nəticəsiz qalıb. Hazırda əməliyyat-istintaq tədbirləri davam etdirilir.
