Uşaqlarla davranış, məktəbdə, cəmiyyətdə, xüsusilə ailədə onlara münasibət o qədər incə, həm də məsuliyyətli işdir ki, bu sahədə ehtiyatlı olmaq lazımdır. 

Ailəyə dövlətin kiçik modeli kimi baxırıq, uşaqlar da ailənin özəyidir.

Təəssüf ki, uşaqlar da zorakılığa məruz qalır.

Son zamanlar zorakılığa məruz qalan uşaqların sayı artıb.

Sosioloq Fatimə Hacıbəyli Hit.az-a deyib ki, uşaqların cinsi toxunulmazlığına qəsd hedilməsi, mənəvi inkişafına ziyan törədən üsulların tətbiqi, ləyaqətinin alçaldılması onlara qarşı törədilmiş cinayətin ən dəhşətlisidir, cəmiyyətə dağıdıcı təsir göstərir:

"Azyaşlı uşaqların zorakılığa məruz qalması bütün dövrlərdə olub. Cəmiyyətin özündə də kifayət qədər gərginliklər var. Valideynlərin maariflənməsi, özü üzərində işləməsi zərurət hesab olunur. Yəni, indiki ailələrdə ailə institutuna qarşı xeyli problemlər var. Şəxsiyyətin pozulması ailədaxili münaqişələrə, insanın özünün ətrafla və özü ilə olan münasibətində pozulmalara gətirib çıxarır. Psixoloji alyans doğru qorunmur".

Sevinc