Şamaxı-Qonaqkənd avtomobil yolunda torpaq sürüşməsi aktivləşib.

HİT.az APA-ya istinadən xəbər verir ki, sözügedən yolda yenidən torpaq sürüşməsi qeydə alınıb.

Sürüşmə nəticəsində yolun bir neçə nöqtəsində asfalt örtüyü çöküb və iri çatlar əmələ gəlib. Bəzi hissələrdə isə hərəkət zolağı tamamilə dərəyə doğru sürüşərək dağılıb. Bu səbəbdən yolun müəyyən sahələrində nəqliyyat vasitələrinin hərəkətində problem yaranıb.

Yolun təxminən 30-40 metr hissəsi uçmaq təhlükəsi ilə üz-üzə qalıb.