Sumqayıtda uzun müddətdir ki, koronavirusla mübarizə aparan həkim özü də bu xəstəliyə yoluxub.

Xeberle.com-un məlumatına görə, 1 nömrəli Sumqayıt şəhər xəstəxanasının Yoluxucu xəstəliklər şöbəsinin müdiri Telman Kəlbəliyev COVİD 19 virusuna yoluxub. Belə ki, 64 yaşlı T. Kəlbəliyevin koronavirus testinin nəticələri pozitiv çıxıb.

Şöbə müdiri Xeberle.com-a açıqlamasında virusuna yoluxduğunu təsdiqləyib:"Koronavirusla bağlı verdiyim test nəticələri pozitiv çıxıb. Paytaxtda müalicəalacam”.

Xatırladaq ki, son açıqlanan rəsmi məlumatlara görə indiyədək Sumqayıtda260 nəfərdə koronavirus aşkarlanıb.