Azərbaycanın Xocavənd rayonu 1992-ci ilin oktyabrın 2-də Ermənistan silahlı dəstələri tərəfindən işğal olunub.
Hazırda rayonun yalnız kiçik bir hissəsi Azərbaycanın nəzarəti altındadır. Həmin ərazilərdə rayon İcra Hakimiyyəti və digər dövlət qurumları üçün inzibati binalar yerləşir. Burada salınan qəsəbələrdə yaşayan xocavəndlilər kənd təsərrüfatı ilə məşğul olur, gündəlik güzaranlarını təmin edirlər.
Eyni zamanda Azərbaycan Ordusunun Xocavənd ərazisində düşmənlə üz-üzə dayanan bir neçə hərbi hissəsi var.
"Report"un əməkdaşı cəbhə bölgəsində yerləşən Xocavənddən fotoreportaj hazırlayıb.
