Ermənistan terrorçuların orduya cəlbini daxili qanunvericiliklə leqallaşdırmağa çalışır. Belə ki, dünyanın istənilən yerindən xarici vətəndaşların Ermənistan Ordusuna könüllü qatılmalarını təmin etmək məqsədilə ölkənin müdafiə qanunvericiliyinə dəyişiklik edilir.

HİT.Az SputnikArmeniya-ya istinadən xəbər verir ki, bu barədə Qondarma Dağlıq Qarabağ Respublikasının rəhbəri Arayik Harutunyan rəsmi facebook hesabında yazıb. O, sözügedən qanun layihəsini təsdiqlədiyini və yaxın vaxtlarda parlamentə təqdim ediləcəyini bildirib.

Terrorçuların və muzdluların fəaliyyətinə bu yolla hüquqi don geyindirməyə çalışan separatçı rejimin rəhbəri bu biabırçılıqlarını mövcud vəziyyətlə əlaqələndirib.

Qeyd edək ki, beynəlxalq ictimaiyyətə Azərbaycan Ordusunda Suriyadan və Livandan gələn terrorçuların vuruşduğuna dair yalan məlumatlar verən Ermənistan hakimiyyəti və separatçılar bu qanun layihəsi ilə Qarabağda erməni tərəfdən terrorçuların və muzdluların döyüşdüyünü birbaşa etiraf etmiş olur.