Prezident İlham Əliyevin işğaldan azad olunan ərazilərə səfəri zamanı idarə etdiyi AZCAN SENTRY APC markalı hərbi avtomobil Azərbaycan-Kanada birgə müəssisəsinin istehsalıdır.

HİT.az xəbər verir ki, bu barədə ekspert Osman Gündüz sosial şəbəkə hesabında yazıb. Bildirib ki, 6.7 mühərrikli olan avtomobil 362 at gücündədir.

"Şüşələrindən tutmuş hər yeri zirehlidir, gecə-gündüz görmə sistemləri, kameralarla təchiz olunub. Əsasən sifarişlə, xüsusi təyinatlılar və hərbi məqsədlər üçün hazırlanır. Müharibə zamanı, xüsusi hallarda mobil komanda məntəqəsi olaraq fəaliyyət göstərə bilir.
Hazırda DİN-nin arsenalında istifadə edilir".