Baş nazir Nikol Paşinyana inamsızlıq hər yerdə, hətta onun komandasında da hökm sürür. Buna görə Paşinyan hərbi vəziyyətin ləğvindən imtina edir, bilir ki, bundan sonra ona etimadsızlıq göstərmək imkanı yaranacaq.

Bu barədə “Hraparak” nəşri yazıb.

Məqalədə vurğulanıb ki, Paşinyan komandasının sədaqətindən əmin olsaydı, hərbi rejimi ləğv edərdi, amma deputatlarının əksəriyyəti impiçmentə başlamaqla ona sürpriz edə bilərlər.

“Addım-addım hərbi rejimdən irəli gələn bütün məhdudiyyətlərin götürüləcəyi bildirildi. Mitinqlər və mediaya qoyulan məhdudiyyətlər artıq qüvvədə deyil, növbəti addım ölkədən çıxmaq imkanını bərpa etməklə bağlı ola bilər. Ancaq hərbi vəziyyət qoşunların hərəkəti və digər məqsədlər üçün saxlanacaq. Burada əsl məqsəd sözsüz ki, baş nazirə etimadsızlıq nümayişinin qarşısını almaq olacaq", - deyə məlumatda bildirilib.