Ermənistanın cənubundakı Sünik istiqamətində Qarabağ müharibəsi zamanı ölən əsgərlərin cəsədlərinin axtarışı zamanı partlayış baş verib.

“Qafqazinfo” xəbər verir ki, bu barədə “armeniasputnik” məlumat verib. Hadisə Mehri bölgəsində ölən əsgərlərin cəsədlərinin axtarışı zamanı qeydə alınıb.

Partlayışın saat 12:20 radələrində baş verdiyi bildirilir. Partlayış nəticəsində Ermənistan Fövqəladə Hallar Nazirliyinin kapitanı Artyom İqnatieviç Şahnazaryan və baş yanğınsöndürən Aram Sergeyeviç Navasardyan yaralanıb.