Abşeron rayonunun Hökməli qəsəbəsində yanğın baş verib.
FHN-nin mətbuat xidmətindən HİT.Az-a verilən məlumata görə, yanğın nəticəsində ümumi sahəsi 140 m² olan ikimərtəbəli evin 15 m² sahəsini əhatə edən yanar konstruksiyalar və ev əşyaları yanıb.
Yüksək temperaturdan 1 ədəd kondisioner qarsalanıb. Evin qalan hissəsi FHN-nin Yanğından mühafizə bölmələrinin səyi ilə alovdan mühafizə olunub.
Qeyd olunur ki, yanğın tamamilə söndürülüb, xəsarət alan olmayıb.
