Rusiyanın Moskva, Novosibirsk, Yekaterinburq və Xabarovsk şəhərlərində icazəsiz etiraz aksiyaları keçirilib.

HİT.Az Rusiya KİV-inə istinadən xəbər verir ki, Moskvadakı icazəsiz etiraz aksiyası başa çatıb. Paytaxt polisinin məlumatına görə, aksiyada 2 minə yaxın insan iştirak edib. Moskva İctimai Müşahidə Komissiyası 150-yə yaxın şəxsin saxlanıldığını bildirib.

Yekaterinburqda mitinqə 2 minədək insan toplaşıb. Polis səsgücləndiricilər vasitəsilə ictimai asayişi qorumağa çağırır.

Rəsmi mənbələr bildirir ki, Novosibirskdə isə 500-dək insan aksiyaya qoşulub.

Xatırladaq ki, bənzər aksiyalar yanvarın 23-də də keçirilmişdi. Etirazçılar müxalifətçi Aleksey Navalnının həbsinə etiraz olaraq meydanlara çıxmışdılar. 

Bundan əvvəl Rusiya Daxili İşlər Nazirliyi və Baş Prokurorluğu insanları bu gün icazəsiz aksiyalarda iştirak etməməyə çağırıb.