Ukraynanın Odessa şəhərində keçirilən fiqurlu konkisürmə üzrə beynəlxalq turnirə yekun vurulub.

Hit.az məlumatına görə, “LuMi dance trophy-2021”də çıxış edən Azərbaycan idmançıları mükafatçılar sırasına düşə bilməyib.

Cəmi 6 duetin mübarizə apardığı idman rəqslərində qüvvəsini sınayan Yekaterina Kuznetsova və Aleksandr Kolosovski cütlüyü yalnız 4-cü yeri tutub. Təmsilçilərimiz həm ritmik rəqsdə, həm də sərbəst rəqsdə 4-cü olub. Onlar dünən 61,31, bu gün 87,08 xal toplayıb.

Qeyd edək ki, yarışın qalibi adına ukraynalılar Aleksandra Nazarova və Maksim Nikitin layiq görülüb – 191,95 xal.