19 yaşadək qadınlardan ibarət Azərbaycan milli komandasının final mərhələsi 2022-ci ildə Çexiyada təşkil olunacaq Avropa çempionatının ilkin seçmə mərhələsində mübarizə aparacağı rəqibləri müəyyənləşib.

Hit.az xəbər verir ki, Millətlər Liqası formatında təşkil olunacaq seçmə mərhələ oyunlarında millimiz 7-ci qrupda Norveç, İtaliya və Polşa yığmaları ilə mübarizə aparacaq.

Bu qrupun oyunları İtaliyada təşkil olunacaq. İlkin mərhələdə A liqasının qrup qalibləri növbəti mərhələyə vəsiqə qazanacaq. Sonuncu yeri tutan komandalar isə B liqasına düşəcək.

Qeyd edək ki, milli komandamız A qrupunda qərarlaşıb. İkinci mərhələnin püşkatması 2021-ci ilin sonlarında təşkil olunacaq.