Fransanın "PSJ" klubunun Argentinalı ulduz futbolçusu Lionel Messi gələcək karyerası haqqında açıqlama verib.

HİT.az xarici mənbələrə istinadən xəbər verir ki, ötən mövsümün sonunda "Barselona"dakı 21 illik karyerasını sonlandıraraq "PSJ"nin cərgəsinə qoşulan 34 yaşlı futbolçu müqaviləsi bitdikdən sonra Amerikada oynamaq istədiyini bildirib:

"ABŞ-da yaşamaq istəyirəm. Orada həyatın necə olduğu, Amerika futbolu mənim üçün çox maraqlıdır. Amerikada futbol oynamaq və orada həyatımı davam etdirmək gələcək planlarım arasındadır".

Qeyd edək ki, Lionel Messi Fransa Liqa 1-də oynadığı 11 matçda 1 dəfə, ÇL-da oynadığı 5 oyunda 5 dəfə fərqlənib.

Sadiq İsmayılov